काठमाडौं, २ फागुन — अमेरिकाका राष्ट्रपति डोनाल्ड ट्रम्पले व्यापार घाटा भइरहेका देशसँगको व्यापारिक मामिलाको समीक्षा गरिरहेका छन् । घाटा कम गर्नका लागि उठाइने प्रयासमाथि उनी गम्भीरतापूर्वक विचार गरिरहेका छन् ।
सम्भवतः भारत, भियतनाम, इन्डोनेसिया र मलेसिया जस्ता देशसँगको व्यापार नियममा ट्रम्पले कडाइ गर्ने सम्भावना छ । यी देशहरूले उठाइरहेको फाइदा घटाएर अमेरिकाको व्यापारिक घाटा कम गर्न ट्रम्पले प्रयत्न गर्दैछन् ।
एसियाका धेरै देशले अमेरिकामा राम्रो निर्यात गर्छन् भने अमेरिकाबाट आफ्नो देशमा खासै आयात चाहिँ गर्दैनन् । त्यसैले राष्ट्रपति ट्रम्पले कडा नीति अपनाउन लागेका हुन् ।
ट्रम्पको यो कदमले भारत जस्ता देशलाई नोक्सान हुन सक्छ । भारतीय व्यापारको लाभ अमेरिकाले घटाइदियो भने भारतको अर्थतन्त्रलाई झड्का लाग्न सक्छ ।
एजेन्सीको सहयोगमा
