काठमाडौ, १८ असार –प्रमुख प्रतिपक्षी दल नेपाली कांग्रेसले सात प्रदेशका ७५३ वटै स्थानीय तहका प्रत्येक वडाका बुथ तहदेखि नै प्रशिक्षण गर्ने भएको छ । गत निर्वाचनमा भोगेको पराजयको कमीकमजोरीलाई सुधार्न बुथ तहसम्म पुग्न लागेको कांग्रेस उपसभापति विमलेन्द्र निधिले बताए । निर्वाचनमा भएको कमीकमजोरीका विषयमा केन्द्रमा भन्दा स्थानीय स्तरमा मतदानस्थल र बुथमा खट्ने नेता कार्यकर्ताहरूसँग बढी अनुभव भएकाले बुथ तहसम्म नै जाने तयारी गरिएको उनले बताए ।‘कांग्रेस पराजयको कारण र सुधार गर्नुपर्ने विषयमा बुथ तहसम्म संश्लेषण र प्रशिक्षण हुनेछ,’ पार्टीको नीति तथा प्रशिक्षण प्रतिष्ठानका प्रमुखसमेत रहेका निधिले ग भने । आजको राजधानी दैनिकमा खबर छापिएको छ ।