१७ असार २०८३, बुधबार
बैतडी, ३ फागुन - भीरबाट लडेर गाँजरीमा दाजुभाइको सोमबार मृत्यु भएको छ ।
मृत्यु हुनेमा गाँजरी–२ का ४० वर्षीय करे धामी र उनका ३० वर्षीय भाइ परे रहेको स्थानीयवासी वसन्त विष्टले जानकारी दिनुभयो । साँझ दुदिलाखान बजारबाट घर जाने बेला स्थानीय भानुभिरबाट खसेर घटनास्थलमै तिनको ज्यान गएको बताइएको छ ।
दाइ भिरबाट लड्दा भाइले बचाउन खोज्दा दुवै जना भिरबाट लडेको विष्टले जानकारी दिनुभयो । जिल्ला प्रहरी कार्यालय बैतडीका प्रहरी नायब उपरीक्षक हेरम्ब शर्माले प्रहरी टोली घटनास्थलतर्फ गइरहेको बताउनुभयो । घटनास्थल सदरमुकामबाट डेढ दिनको पैदल दूरीमा पर्छ । रासस
