असार ७, २०७५
काठमाडौं, ७ असार – अर्जेन्टिनाका प्रशिक्षक जर्ज साम्पाओली कप्तान लियोनल मेस्सीको आलोचना गर्ने समर्थकमाथि खनिएका छन् । सानै उमेरमा स्पेन पुगी त्यहीँबाट क्लब फूटबल खेलिरहेका मेस्सीलाई कतिपय अर्जेन्टाइनले नै आलो...
असार २६, २०७५
काठमाडौं – रुसमा जारी विश्वकप फूटबल प्रतियोगिताले संसारभरका खेलप्रेमीको ध्यान तानिरहेका बेला युरोपियन 'ट्रान्सफर मार्केट'ले विश्वकपलाई नै छायामा पार्ने गरी चर्चा बटुल्न थालेको छ ।
फ्यान फलोइङका हिसाबले चर्चित टीमहरू विश्वकपबाट बाहिरिएपछि यसको चर्चा कम हुँदा ट्रान्सफर गसिपहरूले विश्वकपलाई नै छायामा पार्न थालेका हुन् ।
आगामी अगस्टको दोस्रो साताभित्र युरोपका अधिकांश चर्चित लिगहरू शुरु भइसक्छन् । नयाँ सिजनका लागि क्लबहरू अहिले खेलाडी खरिद बिक्रीमा सक्रिय छन् ।
रियल मड्रिडका पोर्चुगिच स्टार क्रिस्टियानो रोनाल्डो युभेन्टस जाने चर्चाले सबैभन्दा बढी स्थान पाएको छ । रोनाल्डोलाई करीब सय मिलियन युरोमा युभेन्टसले आगामी ४८ घण्टाभित्र अनुबन्धन गरिसक्ने चर्चा छ ।
रोनाल्डोका एजेन्टले रियल मड्रिडसँग यसबारे मंगलवार कुराकानी गर्दैछन् ।
रोनाल्डो युभेन्टस जाने चर्चा चलेपछि रियलले उनलाई प्रतिस्थापन गर्ने खेलाडी खोजिरहेको छ । रोनाल्डोलाई प्रतिस्थापन गर्नका लागि पीएसजीका स्टारद्वय नेयमार र एमबाप्पे तथा चेल्सीका इडेन हजार्डको नाम चर्चामा छ ।
यस्तै स्पेनिस च्याम्पियन बार्सिलोनाले आफ्ना लेजेण्ड मिडफिल्डर आन्द्रेस इनिएस्टालाई प्रतिस्थापन गर्न एक युवा खेलाडीलाई क्लबमा भित्र्याएको छ । हालै जाप्निज लिगमा अनुबन्धित इनिएस्टालाई ब्राजिलियन युवा मिडफिल्डर अर्थुर मेलोले प्रतिस्थापन गर्ने भएका छन् ।
यस्तै बार्सिलोनाले चेल्सीका ब्राजिलियन स्टार विलियनलाई पनि अनुबन्धन गर्न प्रयास गरिरहेको छ ।
यसैगरी इंग्लिस च्याम्पियन म्यान्चेस्टर सिटीले लेस्टर सिटी फूटबल क्लबका विंगर रियाद महरेजलाई भित्र्याउन पहल गरिरहेको छ । करीब ६० मिलियन युरोमा महरेज केही घण्टाभित्र इत्तेहाद स्टेडियम पुग्ने चर्चा छ ।
यस्तै सिटीले इटालियन मिडफिल्डर जोर्गिन्होलाई नापोलीबाट खरीद गर्न पहल गरिरहे पनि चेल्सीले उनलाई हाइज्याक गर्ने गरी तयारी गरिरहेको खबर छ । चेल्सीले सिटीले दिएको भन्दा बढी रकम दिएर जोर्गिन्होलाई अनुबन्धन गर्ने तयारी गरेको हो ।
फ्रेन्च च्याम्पियन पेरिस सेन्ट जर्मेन (पीएसजी) नेयमार र कवानीबीचको तिक्तताका कारण चिन्तामा छ । नेयमारले कवानीलाई बेचेर उनकै देशका स्ट्राइकर लुइस सुआरेजलाई भित्र्याउन क्लब व्यवस्थापनलाई आग्रह गरेको खबर पनि चर्चामा आएको छ ।
नेयमार र सुआरेजले बार्सिलोनामा केही वर्ष सँगै खेलेका थिए । मेस्सी, नेयमार र सुआरेज बीचको सम्बन्ध एकदमै राम्रो छ ।
यस्तै क्लबहरूमा प्रशिक्षक (म्यानेजर) पनि फेरबदल भइरहेका छन् । रियल मड्रिडलाई आगामी सिजन जुलेन लोपेटेगुइले सम्हाल्ने भएका छन् भने युनाइ इमरीले २ दशकभन्दा बढी आर्सनल सम्हालेका आर्सने वेंगरलाई प्रतिस्थापन गरेका छन् ।
इमरी आर्सनल गएपछि पीएसजीमा बोरुसिया डर्टमुण्डबाट थोमस टचेल आएका छन् भने चेल्सीले पनि एन्टेनियो कोन्टेको ठाउँमा नयाँ म्यानेजर भित्र्याउने तयारी गरिरहेको छ ।
काठमाडौं, ७ असार – अर्जेन्टिनाका प्रशिक्षक जर्ज साम्पाओली कप्तान लियोनल मेस्सीको आलोचना गर्ने समर्थकमाथि खनिएका छन् । सानै उमेरमा स्पेन पुगी त्यहीँबाट क्लब फूटबल खेलिरहेका मेस्सीलाई कतिपय अर्जेन्टाइनले नै आलो...
काठमाडौं, २५ जेठ – रुसको कानूनले समलैंगिकतालाई प्रवर्द्धन गर्न प्रतिबन्ध लगाएका कारण विश्वकप हेर्नलाई केही समलिंगीहरू त्यहाँ नजाने भएका छन् । अघिल्लो विश्वकपमा अमेरिकी प्रशंसकहरूका लागि यात्राको प्...
युरोपेली अन्तरिक्ष एजेन्सी (इएसए) ले बिहीबार गुरुत्वाकर्षण तरङ्ग अर्थात अन्तरिक्ष समयमा तरङ्ग पत्ता लगाउने र पृथ्वीको सबैभन्दा नजिकको छिमेकी ग्रह शुक्रको रहस्य पत्ता लगाउनेसहित दुई वटा मिसन अघि बढाउन अनुमति दिएको छ...
काठमाडौं – फ्रान्सले फिफा विश्वकप २०१८ को फाइनलमा क्रोएसियालाई ४–२ गोलअन्तरले हराएपछि प्रशंसकहरू उत्सवमा मग्न भएका छन् । राजधानी पेरिसमा मानिसहरू सडकमा आएर उत्सव मनाए । आईफल टावरम...
आर्जेन्टिनालाई क्रोएशियाले बिहीबार राति भएको खेलमा ३-० ले पराजित गरेपछि अस्तव्यस्त र निराश मुद्रामा ड्रेसिङ रूमतिर फर्किंदै गरेका लिओनेल मेस्सीको तस्बिर विश्वकप २०१८ को सबैभन्दा चर्चितमध्येको एउटा प्रतीक बनेको छ। ...
काठमाडौं, २ असार– विफा विश्वकपको समूह बी अन्तरगत अहिले स्पेन र पोर्चुगल बीचको खेलमा जारी छ । १–१ गोलमा चलिरहेको खेलमा स्पेनको लागि डिएगो कोष्टाले २४ औं मिनेटमा गोल गरे ।&nbs...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...