काठमाडौं –'तमसोमा ज्योतिर्गमय' शीर्षक दिइएको कलाकार सन्ध्या रेग्मीको नवौं एकल चित्रकला प्रदर्शनी सोमबारबाट नेपाल कला परिषद् बबरमहलमा जारी छ ।

सन २०१३ मा बुद्धका अनुहारहरू शीर्षकको सातौं एकल चित्रकला प्रदर्शनीबाट ख्याति प्राप्त गरेकी रेग्मीले नेपाल र विदेशमा गरी नौपटकसम्म आफ्न चित्रकला प्रदर्शन गरिसकेकी छन् ।

प्रदर्शनमीमा ३३ वटा बत्ती, ॐ, गायत्री मन्त्र, महामृत्युञ्जय मन्त्रलगायत आमुर्त र अर्धमुर्त शैलीका चित्रहरू छन् ।

कलाकार रेग्मीको ५ वर्षदेखिको मेहेनतमा तयार भएका चित्रहरू अन्ध्यारोबाट उज्यालोतिर, असत्यबाट सत्यतिर र मृत्युबाट जीवनतिर मार्गदर्शन गर्ने खालका छन् ।

प्रदर्शनी असार ३१ गतेसम्म चल्नेछ ।