काठमाडौं, फागुन ४- भारतीय अन्तरीक्ष अनुसन्धान संगठन (आइसरो)ले बुधबार एकै पटक १०४ वटा उपग्रह प्रक्षेपण गरेको छ। अमेरिका, रुस र चीनलाई पछि पार्दै पीएसएलभी-सी३७ कार्टोसेट-२ मिसन स्याटालाइटमार्फत भारतको श्रीहरिकोटाबाट बिहान ९ बजेर २८ मिनेटमा सयबढी उपग्रह प्रक्षेपण गरेको भारतीय सञ्‍चारमाध्यमहरुले जनाएका छन्। यो सँगै भारतले विश्‍वमा नयाँ इतिहास बनाएको छ।

PSLV-C37 / Cartosat -2 Series Mission Successfully Launched all 104 Satellites

— ISRO (@isro) February 15, 2017

यस्तै  भारतीय अन्तरीक्ष अनुसन्धान संगठन (आइसरो)ले ट्विटरमार्फत १०४ वटा उपग्रह सफलतापूर्वक प्रक्षेपण गरेको जनाएको छ।


यसअघि रुसले सन् २०१४ मा एकै साथ ३७ वटा स्याटालाइट प्रक्षेपण गरे पनि विश्‍वमा अरु देशले यति धेरै उपग्रहलाई प्रक्षेपण गरेका छैनन्।


टाइम्स अफ इन्डियाका अनुसार पोलार स्याटालाइट लन्च भिकलले आफ्नो ३९औ उडानमा १ सय ३ यात्रीलाई ६६४ किलोग्राम लिफ्टबाट सँगै लिएर गएको छ।

PSLV-C37 / Cartosat-2 series Mission Lift off Normal as expected.

— ISRO (@isro) February 15, 2017

पोलार स्याटालाइटमा रहेका आइसरोका वैज्ञानिकहरुले एसएल भेरियन्ट प्रयोग गरेका छन् जुन चन्द्रमा र मंगल ग्रहमा बस्दा निक्कै शक्तिशाली र सुरक्षित ज्याकेट मानिन्छ।

स्याटालाइटमा जाने यात्रीहरुले पृथवीको विकल्पको बारेमा खोज, अनुसन्धान गरेर सूचना पठाउने छन्। इसरोले भनेको छ, 'यो उपग्रहमा १ सय १ जना सहयात्री उपग्रह स्याटालाइट समावेश गरिएका छन् जसमा स्राइल, कजाकिस्तान,नेदरल्याण्ड, स्विटजरल्याण्ड, युएई तथा बाँकी ९६ स्याटालाइट अमेरिकाको रहेको छ भने भारतको थप दुई उपग्रह संलग्‍न छन्।

यसअघि भारतले ६ महिनाअघि २० वटा स्याटालाइट प्रक्षेपण गरेर राष्ट्रिय कीर्तिमान बनाएको थियो। जसमा १३ वटा अमेरिकी स्याटालाइट समेत समावेश गरिएको थियो।