३० जेठ २०८३, शनिबार
काठमाडौं– अनशनरत डा. गोविन्द केसीको समर्थनमा त्रिवि शिक्षण अस्पताल महाराजगन्जदेखि बालुवाटार जान लागेको चिकित्सक र स्वास्थ्यकर्मीहरू सम्मिलित र्यालीमा प्रहरीले अवरोध गरेको छ ।
अस्पतालबाट शुरु भएको र्यालीलाई प्रहरीले मुल गेटमा नै रोकेको हो । डा. केसीका माग सम्बोधन गर्न माग गर्दै चिकित्सक र स्वास्थ्यकर्मीहरुको जुलुस शिक्षण अस्पताल महाराजगञ्जबाट प्रधानमन्त्री निवास बालुवाटारतर्फ जान खोज्दा प्रहरीले रोकेपछि सामान्य झडपसमेत भएको छ ।
सेतो पोशाक लगाएका चिकित्सक तथा स्वास्थ्यकर्मीहरुले सरकारविरुद्ध नाराबाजी गरेका थिए । ७ बुँदे माग राखेर डा. केसी २७ दिनदेखि अनसनमा छन् ।
सरकार र केसीपक्षबीच मंगलबार र बुधबार भएको वार्ता निष्कर्ष विहीन हुँदा वार्ता अन्योलमा परेको छ ।
