०२ असार २०८३, मंगलबार
काठमाडौं – अमेरिकाको क्यालिफोर्निया राज्यमा लागेको डढेलोका कारण अहिलेसम्म ६ जनाले ज्यान गुमाइसकेका छन् । अनि हजारौं थप मानिसहरू उक्त ठाउँबाट पलायन भएका छन् ।
डढेलोका कारण अग्निनियन्त्रक र सर्वसाधारणको ज्यान गएको हो ।
लेकपोर्ट नामक शहरमा आगो दन्केपछि कम्तीमा चार घर ध्वस्त भएका छन् र मानिसहरू भागेका छन् ।
काउन्टी शेरिफ टम बोसेन्कोले अधिकारीहरूले डढेलोका कारण मरेका छैठौं व्यक्ति फेला पारेको जानकारी दिएका छन् । पूरै डढेको घरमा लाश भेटिएको उनले बताए । उनले कुन ठाउँमा लाश भेटिएको खुलाएनन् । मृतकको नाम पनि
सार्वजनिक गरिएको छैन ।
शेरिफ विभागले सातजना व्यक्ति हराइरहेकोमा अनुसन्धान गरिरहेको बोसेन्कोले बताए । रेड्डिङ प्रहरीले थप ११ मानिस हराइरहेको सूचना पाएको छ ।
एजेन्सी
