०१ असार २०८३, सोमबार
काठमाडौं - अमेरिकाको ह्युस्टन विश्वविद्यालयबाट इन्जियनियरिङमा पिएचडी गरेका आलोक सागरले अमेरिकामा बसेर लाखौं कमाउन सक्थे होलान् । तर सादा जीवन उच्च विचार भएका यी पवित्रात्माले सुखसुविधा छोडेर आदिवासीहरूको उत्थानका लागि जीवन समर्पण गरेका छन् ।
रिजर्भ बैंक अफ इन्डियाका पूर्वप्रमुख रघुराम राजनका शोध निर्देशक रहिसकेका सागरले मध्यप्रदेशको बेतुल र होशंगाबाद जिल्लामा बस्ने सीमान्तीकृत जनजाति आदिवासी जनजातिको कल्याणका लागि विगत ३२ वर्षदेखि काम गरिरहेका छन् ।
छब्बीस वर्षदेखि कोचामु नाम गरेको अत्यन्त पिछडिएको गाउँमा बसरिहेछन् सागर । त्यो गाउँमा बिजुलीको सुविधा छैन अनि सडक पनि गतिला छैनन् । यहाँ लगभग ७५० आदिवासी बस्छन् ।
गाउँमा जनताको माझमा बसेर मात्र वास्तविक समाजसेवा हुने सागरको विश्वास छ । समाजसेवाको ढोंग गर्नेहरू धेरै हुन्छन् तर वास्तविक काम गर्ने थोरै हुन्छन्, सागर भन्छन् ।
सादा जीवन बिताउने सागर साइकलमा यात्रा गर्छन् र धोती लगाउँछन् । उनी श्रमिक आदिवासी संगठनमा काम गर्छन् ।
जनसेवाका उदाहरणीय व्यक्तित्व हुन् सागर ।
