२२ जेठ २०८३, शुक्रबार
काठमाडौं – पाकिस्तानमा कोइलाको खानीमा मिथेन ग्यासको विस्फोट हुँदा चारजना कामदारको मृत्यु भएको छ । तेह्रजना कामदार अझै खानीमै फसेका छन् ।
विस्फोट आइतवार क्वेटाबाट ५० किलोमिटर पर संजदी गाउँमा भएको स्थानीय प्रहरी अधिकारी वजीत खानले बताए ।
दुर्घटनास्थलबाट चार लाश बरामद गरिएको अधिकारीले बताए । फसेका मानिसलाई बाहिर निकाल्ने प्रयास भइरहेको छ ।
खानीमा ग्यास चुहिँदा उद्धारकार्य केही समयका लागि रोक्नुपरेको थियो । विशेषज्ञहरूका अनुसार, सुरक्षा नियम पालन नगर्दा पाकिस्तानमा यस्ता घटना भइरहेका हुन्छन् ।
एजेन्सी
