लन्डन–एक नेपालीलाई जबरजस्ती देशनिकाला गर्ने बेलायती अध्यागमन अधिकारीको प्रयास असफल भएको छ । शरणार्थीको आवेदन दिएका समलिंगी नेपालीलाई अध्यागमन अधिकारीले गत अगस्ट ५ मा डिपोर्ट गर्न डिटेन्सन सेन्टरबाट हिथ्रो विमानस्थल पुर्याएका थिए । 

तर मुम्बई उड्न लागेको जेड एयरवेजका पाइलटले लैजान नमानेपछि डिपोर्ट प्रक्रिया रोकिएको हो । 

अध्यागमनका ४ कर्मचारीले ती नेपालीलाई अभद्र व्यवहार गर्दै विमानस्थलको टर्मिनल ४ मा रहेको जेट एयवेजको अन्तिम सिटतिर घिसार्दै लगेका थिए । तर चर्को स्वरमा चिच्याउन थालेसँगै पाइलटले उनलाई उडाउन मानेनन् ।

पाइलटले नेपालीप्रति सहानुभूति राखेर उडाउन मानेनन् या अरु कारणले भन्नेबारे नखुलेको समाचार कान्तिपुर दैनिकले लेखेको छ ।