२० असार २०८३, शनिबार
काठमाडौं – फ्रान्समा समुद्री लहरमा एक बच्ची खेलिरहेकी थिइन् । अचानक लहर बढे । अनि बच्चीनजिक रहेको घरपालुवा कुकुरलाई खतरा अनुभव भयो ।
उसले बच्चीको कपडालाई दाँतले च्याप्यो र खिच्दै समुद्र किनारसम्म पु–यायो । यो घटना सामाजिक सञ्जालमा सार्वजनिक भएपछि मानिसहरू कुकुरलाई खुबै प्रशंसा गरिरहेका छन् ।
गौविल–सुर–मेर नजिक मात्यास नामक बालिका पौडी खेलिरहेकी थिइन् । उनलाई लहर बढेपछि हजुरबुवाको कुकुरले तानेर किनारमा ल्यायो ।
समुद्रको लहरले लडाएपछि बच्चीको कपडामा दाँतले च्यापेर कुकुरले किनारमा ल्याएको देखिन्छ ।
घटना भइरहँदा बच्चीको अनुहारमा मुस्कान देखिन्छ । कुकुरसँग खेलेजस्तो मात्र लाग्यो बच्चीलाई ।
एजेन्सी
