१३ असार २०८३, शनिबार
बाजुरा– बाजुराको बडीमालिका गाउँपालिका–९ मा रहेको मालिका नमूना माध्यमिक विद्यालयमा शंकास्पद बस्तु फेला परेको छ । सानो बट्टालाई सेतो कागजले बेरेको र तार बाहिर निस्किएको अवस्थमा शंकास्पद बस्तु फेला परेको हो ।
भित्तामा खतरा र भूइँमा ‘डन्ट टच’ लेखिएको अवस्थामा शंकास्पद बस्तु फेला परेको घटना स्थलमा रहेका इन्सपेक्टर लोकेन्द्र गुरुले जानकारी दिए । विद्यालयको सिंढीमा फेला गरेको उक्त बस्तु डिस्पोज गर्ने तयारी भइरहेको छ ।
घटना स्थलमा प्रहरीको टोली पुगी सकेको छ भने नेपाली सेनाको बम डिस्पोजल टोली पनि पुग्दै छ । सो विद्यायमा आज प्राविधिक विषयको परीक्षा चलिरहेको अवस्थामा शंकास्पद बस्तु फेला परेको बताइएको छ ।
शंकास्पद बस्तु फेला परेपछि परीक्षा प्रभावित भएको छ । परीक्षा विथोल्नका लागि शंकास्पद बस्तु राखिएको हुनसक्ने अनुमान प्रहरीले गरेको छ ।
