१६ असार २०८३, मंगलबार
काठमाडौं– फ्रान्सका लागि पूर्व नेपाली राजदूत केशवराज झा काठमाडौंमा मृत फेला परेका छन् ।
झा काठमाडौंको थापाथलीस्थित निवासमा मृत फेला परेका हुन् । प्रहरीका अनुसार टाउकोमा चक्कु प्रहार गरिएको अवस्थामा झाको शव फेला परेको छ ।
प्रहरीले चक्कु प्रहार गरी कसैले झाको हत्या गरेको हुनसक्ने आशंका गरेको छ ।
३४ वर्षसम्म परराष्ट्र सेवामा विताएका झा सन् १९९३ देखि १९९७ सम्म फ्रान्सका लागि नेपाली राजदूत थिए ।
प्रहरीका अनुसार ८० वर्षीय झाकी श्रीमती र घरमा सुरक्षा गार्डको रुपमा काम गर्ने सानु तामाङ पनि घरमै थिए । झाका एक छोरा एक छोरी रहेकोमा दुवै विदेश छन् ।
घटनास्थलमा रहेका प्रहरी अधिकारीका अनुसार झाको टाउकोमा भान्सामा प्रयोग हुने चक्कु प्रहार गरिएको छ ।
प्रहरीका अनुसार आइतवार राति झा र उनकी श्रीमती बेग्ला बेग्लै कोठामा सुतेका थिए ।
प्रहरीले घटनास्थलको मुचुल्का शंकलन गरी घटनाको अनुसन्धान थालेको छ ।
