१२ असार २०८३, शुक्रबार
काठमाडौं– फ्रान्सका लागि पूर्व नेपाली राजदूत केशवराज झा सोमवार आफ्नै निवासमा मृत फेला परेका छन् । टाउकोमा चक्कु प्रहार गरेको अबस्थामा उनको शव फेला परेको प्रहरीले बताएको छ ।
केशवराज झा नेपाली कूटनीतिक क्षेत्रमा सुपरिचित नाम हो । केही सयम काठमाडौं त्रिचन्द्र कलेजमा अध्यापन गरेका झा पछि परराष्ट्र सेवामा प्रवेश गरेका थिए । ३४ वर्ष परराष्ट्र सेवामा विताएका झा सन् १९९३ देखि १९९७ सम्म फ्रान्सका लागि नेपाली राजदूत थिए ।
परराष्ट्र सेवामा काम गर्दा उनले न्युर्योर्कस्थित संयुक्त राष्ट्र संघमा काम गरेका थिए । परराष्ट्र मन्त्रालयमा शिष्टाचार महापाल भइसकेको झा कूटनीतिक करिअरको अन्तिममा फ्रान्सका लागि नेपाली राजदूत बनेका थिए ।
उनी राजदूत रहेको समयमै तत्कालीन राजा वीरेन्द्रले फ्रान्सको भ्रमण गरेका थिए । राजदूतबाट अबकास पछि उनी एकपटक विश्व सम्बन्ध परिषद्को अध्यक्ष बनेका थिए ।
स्व झाका श्रीमती, एक छोरा र एक छोरी छन् । उनको हत्या भएको आशंकामा प्रहरीले अनुसन्धान गरिरहेको छ । झा मृत फेला परेको सेमवार विहान घरमा उनकी पत्नी र कामदार रहेको प्रहरीले जनाएको छ ।
