०४ साउन २०८३, सोमबार
काठमाडौं– ललितपुरको गोदावरीमा घुम्न गएकी एक किशोरीमाथि बलात्कार प्रयास भएको छ ।
चिनेका केटा साथीसँग मोटरसाइकलमा घुम्न गएकी १८ वर्षीय युवतीमाथि गोदावरीमा बलात्कार प्रयास भएको हो ।
केटा साथीले काठमाडौंको गोंगबुबाट घुम्न जाउँ भनेपछि गोदावरी पुगेकी किशोरीले केटा साथीले आफूमाथि बलात्कार प्रयास गरेको भन्दै प्रहरीमा उजुरी दिएकी हुन् ।
प्रहरीले उजुरीकर्ता किशोरीको स्वास्थ्य परीक्षण गरी अनुसन्धान अगाडि बढाएको बताएको छ ।
महानगरीय प्रहरी परिसर ललितपुरका प्रमुख प्रहरी वरिष्ठ उपरीक्षक रवीन्द्र धानुकले गोदावरी घुम्न गएकी युवतीले केटा साथीले आफूमाथि बलात्कार प्रयास भएको भन्दै उजुरी दिएको बताए ।
‘युवतीका तर्फबाट उजुरी प्राप्त भए पछि अनुसन्धान अगाडि बढाएका छौं,’ एसएसपी धानुकले लोकान्तरसँग भने, ‘युवतीले भनेअनुसार बलात्कार प्रयास गर्ने युवकको खोजी भइरहेको छ ।’
