०२ असार २०८३, मंगलबार
काठमाडौं — अमेरिकाको मिशिगन विश्वविद्यालयका अनुसन्धानकर्ताहरूले फेक न्युजलाई आफैं फिल्टर गर्ने प्रणाली विकसित गरेका छन् ।
एल्गोरिदममा आधारित यो प्रणालीमार्फत फेक न्युजलाई चिनेर नियन्त्रण गर्न सजिलो हुनेछ । अनुसन्धानकर्ताहरूका अनुसार, मशिनले फेक न्युज मानिसले भन्दा राम्रो गरी पत्ता लगाइदिन्छ ।
अध्ययनले फेक न्युज पत्ता लगाउन मानवले ७० प्रतिशत सफलता पाएकोमा एल्गोरिदममा आधारित प्रणाली ७६ प्रतिशतसम्म सफल रहेको देखाएको छ ।
फेक न्युज पहिचानका लागि भाषा विश्लेषण दृष्टिकोण उपयोग गर्न सकिन्छ जसले अन्य स्टोरीसँग तथ्यको तुलना गरेर फेक न्युजको वास्तविकता उजागर गर्छ ।
मिशिगन विश्वविद्यालयका प्राध्यापक रड मिहालसीले स्वचालित समाधान फेक न्युजको सामना गर्ने साइटका लागि महत्त्वपूर्ण हुन्छ । फेक न्युजको प्रयोग धेरै क्लिक पाउन वा सार्वजनिक मत बदल्न प्रयोग गर्ने गरिएको छ ।
सामाजिक सञ्जालले फेक न्युज पत्ता लगाउन मानव सम्पादकमा भर पर्ने गरेको छ । उनीहरू समाचारको प्रवाहअनुसार फेक न्युज अनुमान लगाउँछन् ।
यसबाहेक अहिलेको प्रविधिले प्रायः बाहिरी तथ्यमार्फत समाचारको सत्य परीक्षण गर्ने गरेका छन् र नयाँ खबरमा यसले काम गर्दैन । खबर झुटो भएको पत्ता लागुन्जेल हानि भइसकेको हुन्छ ।
एल्गोरिदम कम्प्युटरको अदृश्य तर आवश्यक प्रोग्राम हो जसलाई कम्प्युटर प्रोग्रामिङमा आएको समस्याको समाधान तयार हुन्छ । विशाल डाटाबेसमा कन्टेन्ट फिल्टरिङको काम गर्नका लागि एल्गोरिदम आवश्यक हुन्छ ।
एल्गोरिदमहरूले गूगल सर्च र फेसबूक फीड पनि सञ्चालित गर्छन् र हिंसा, पोर्नोग्राफी तथा जातिभेदी कन्टेन्टलाई पनि सेन्सर गर्छन् ।
एजेन्सी
