काठमाडौं–  बिमस्टेक सम्मेलनमा सहभागी हुन आएका विदेशी सरकार प्रमुखको सवारीको ‘स्कर्टिङ’ मा रहेको एक मोटरसाइकल दुर्घटनामा परेको छ । 

म्यानमारका राष्ट्रपपित विन मिन्टको लुम्बिनी भ्रमणका लागि त्रिभुवन विमास्थल जाने क्रममा उनको सवारी सुरक्षामा रहेको नेपाल प्रहरी सवार एउटा मोटर साइकल दुर्घटनामा परेको हो । 

कालिमाटीमा रहेको होटल सोल्टीबाट विमानस्थल तर्फ जाँदै गर्दा कालिमाटी चोक पार गर्ने क्रममा स्कर्टिङको मोटरसाइकल दुर्घटनामा परहेको हो । तिव्र गतिमा रहेको सवारी चोक पार गर्ने क्रममा एक्कासी चिप्लिएर रेलिन नजिक रहेको अर्को सवारी नजिक पुगेको थियो ।

दुर्घटनामा प्रहरी हवल्दार दिनेश श्रेष्ठ घाइते भएको कालिमाटी प्रहरीले जनाएको छ ।

घाइतेको प्रहरी हवल्दार श्रेष्ठको अवस्था सामान्य रहेको र उनको उपचार भइरहेको प्रहरीले जनाएको छ ।

सायमी मानन्धरले सामाजिक सञ्जालमा पोस्ट गरेको उक्त भिडियो भाइरल बनेको छ । भिडियो राखिएको केही घन्टामा नै १ लाख २९ हजार भन्दा धेरैले भिडियो हेरेका छन् ।