काठमाडौँ– डोटेली समाज काठमाडौँले आयोजना गरेको बृहत् रक्तदान कार्यक्रममा प्रेमसागर कर्माचार्यले १५५ पटक रक्तदान गरेको खबर आजको गोरखापत्र दैनिकले छापेको छ । 
कार्यक्रममा काठमाडौँमा रहेका डोटेली लगायत ७५ जनाले रक्तदान गरेका थिए । रक्तदाता कर्माचार्यले चार महिनापछि शरीरमा रगत आफैँ नष्ट हुने भएकोले हरेक ३–३ महिनामा रक्तदान गर्न सकिने बताए । 
रक्तदानले कसैको ज्यान बचाउन सहयोग पुग्ने बताउँदै कर्माचार्यले, रक्तदान पछि शरीरमा कुनै कमजोरी वा समस्या हुने भ्रम चिर्न जरुरी रहेको स्पष्ट पारे ।