०६ असार २०८३, शनिबार
योग गुरु बाबा रामदेवले सरकारले अनुमति दिए ३५ देखि ४० रुपैयाँ लिटरमा पेट्रोल र डिजेल बेच्न सकिने बताएका छन् ।
भारतमा एक लिटर पेट्रोलको ९० भारतीय रुपैयाँ रहेको छ । बाबा रामदेवले ३५ देखि ४० रुपैयाँमा पेट्रोल डिजेल बेच्न सक्ने बताएका हुन् ।
पेट्रोल डिजेलमा लाग्ने करलाई घटाएर डिजेल पेट्रोलको मूल्य कम गर्न सकिने रामदेवको भनाइ छ । उनले तलमा पाँच प्रतिशत मात्र कर लगाउन सरकारसँग आग्रह गरेका छन् ।
बाबा रामदेवले वर्तमान समयमा पेट्रोल डिजेलको मूल्यले आम सर्वसाधारणको खल्तीलाई खाली गर्ने काम गरिरहेको भन्दै २८ प्रतिशतको करको स्यावबाट नहटाएसम्म पेट्रोल डिजेलले आम मानिसलाई राहत नदिने उनको भनाइ छ ।
बाबा रामदेवले यदी पेट्रोल डिजेल माथि ट्याक्स कम गर्नाले सरकारको राजश्वमा नोक्सान पुग्छ भने धनीहरुमाथि थप कर लगाउन सुझाव दिए ।
देशमा लगातार बढीरहेको तेलको मूल्यका कारण मोदी सरकारको आलोचना भइरहेको छ । डलरको भाउँ बढ्दा तेलको मूल्य बढेको मोदी सरकारले बताउँदै आएको छ ।
