०१ असार २०८३, सोमबार
काठमाडौं –काठमाडौं जिल्ला अदालतले स्वघोषित अवतारी लामा रिम्पोर्छे छुल्ठिम दोर्जे योन्तान (योन्जन) टुल्कु लामालाई जवरजस्ती करणी मुद्धामा सफाई दिएको छ ।
न्यायाधीश मुकेश उपाध्यायको एकल इजलासले सिन्धुली कुशेश्वर दुम्जा–९ का लामालाई जबरजस्ती मुद्धामा ठोस प्रमाण नपुगेको भन्दै सफाई दिएको हो ।
सोही इजलासका नायब सुब्बा पुर्ण निरौँलाले लामालाई सोमबार न्यायधीश उपाध्यायको इजलासले जबरजस्ती करणी मुद्धामा सफाई दिएको बताए ।
लामालाई उपाध्ययको इजलासले विद्युतीय कारोबार मुद्धामा दोषी ठहर गर्दै ५० हजार जरिवाना, वरामद सामाग्री जफत र पीडितलाई १ लाख ५० हजार रुपियाँ क्षतिपूर्ति भर्न आदेश सुनाएको अधिवक्ता बासुदेव शर्माले बताए । उनका अनुसार इजलासले विद्युतीय कारोबार मुद्धामा लामालाई सहयोग गर्ने मनिसा लामालाई पनि दोषी ठहर गर्दै २० हजार जरिवाना सुनाएको छ । नेपाल समाचारपत्र दैनिकमा खबर छापिएको छ ।
