बनेपा– काभ्रेपलाञ्चोकको बनेपा–९ लामा गाउँस्थित ठूलो गहिरो जङ्गलमा आज मानव कङ्काल फेला परेको छ । 

जिल्ला प्रहरी कार्यालयका उपरीक्षक रविराज खड्काका अनुसार रुखमा नाइलनको डोरीमा हाडको सानो भाग अड्किएको र जमीनमा हाड मात्रै थुप्रिएर रहेको अवस्थामा फेला परेको छ । प्र
हरीले सो ठाउँबाट मानव कङ्काल, नीलो रङको ट्र्याकसुट, कालो रङको प्लाष्टिकको जुत्ता र खाली झोला फेला पारेको छ । प्रहरी उपरीक्षक खड्काले भने, “घटनास्थलको अवस्था हेर्दा पुरुषको जस्तो देखिन्छ, फेला पारिएका कङ्काल परीक्षणको लागि काठमाडौँस्थित फरेन्सिक मेडिसिन विभाग त्रिवि शिक्षण अस्पताल महाराजगञ्जमा पठाई थप अनुसन्धान गरिरहेका छौँ ।”