०७ असार २०८३, आइतबार
काठमाडौं — अमेरिकाको क्यालिफोर्नियामा एक किशोरीले आफ्नै हजुरबुवाका अस्थि समेत मिसाएर बिस्कुट बनाएकी छन् । उनले त्यो बिस्कुट साथीहरूलाई पनि बाँडेकी थिइन् ।
स्थानीय सञ्चारमाध्यममा प्रकाशित समाचारमा उल्लेख भएअनुसार, किशोरीले आफ्ना नौ सहपाठीलाई यो बिस्कुट खुवाइन् । उनीहरूले खुरुखुरु बिस्कुट खाए ।
पछि किशोरीले साथीहरूलाई साँचो कुरा बताइदिइन् । अनि चाहिँ साथीहरू डराए ।
एक विद्यार्थीले स्थानीय मिडियालाई भने, ‘म क्लास लिन गइरहेको थिएँ । एउटी केटी आएर मलाई बिस्कुट खाऊ भनिन् । बिस्कुटमा विशेष कुरा हालिएको उनले बताइन् । मैले त्यसमा ड्रग हालेको होला भन्ठानें । उसलाई सोध्दा उसले
हजुरबुवाको अस्थि रहेको कुरा बताइन् । म एकदमै तर्सिएँ ।’
अक्टोबर ४ मा भएको यो घटनाको प्रहरीले अनुसन्धान गरिरहेको छ । कसैलाई पनि कारवाही गरिएको छैन ।
उता स्कूलले एक बयान जारी गरेर कुनै पनि विद्यार्थीलाई स्वास्थ्यसम्बन्धी समस्या नआएको बताएको छ ।
एजेन्सी
