पन्जाव– पन्जावमा शुक्रबार भएको एक भयानक दुर्घटनापछि त्यहाँ आयोजित उत्सव एकाएक शोकमा बदलिएको छ । 
अमृतसर शहर नजिकै पर्ने जोडाफाटमा शुक्रबार साँझ साढे ६ बजे रावणको पुतला दहन कार्यक्रम भइरहेको बेला एकाएक आइपुगेको रेलले भीडलाई किच्दा कम्तीमा ६० जनाको मृत्यु भएको बीबीसीले जनाएकोछ  । 
समाचारअनुसार तीब्र गतिको सो रेल पठानकोटबाट अमृतसर जाँदै थियो । 
रावणको पुत्लामा आगो लगाउने वित्तिकै मञ्चबाट मानिसहरुलाई पछाडि हट्न आग्रह गरिएको र त्यही वेला पछाडिबाट आएको रेलले उनीहरुलाई किच्न पुगेको बताइएको छ  ।
दुर्घटनामा एक सय पचास बढी घाइते भएका छन् ।