१४ असार २०८३, आइतबार
काठमाडौं — चीनको पश्चिम चोङकिङ शहरमा साना बच्चाहरूको विद्यालयमा गरिएको चक्कु आक्रमणमा १४ बच्चा घाइते भएका छन् ।
प्रहरीका अनुसार, शिंशिजी किन्डरगार्टनमा शुक्रवार बिहान लियू नाम गरेकी ३९ वर्षीया महिलाले बच्चाहरूलाई चक्कुले आक्रमण गरेकी थिइन् ।
चीनमा हालैका वर्षमा यस्ता अनेकौं आक्रमण भएका छन् । यी आक्रमणमा मानसिक रोगी तथा गुनासोको पोको भएका मानिस संलग्न हुने गरेका छन् ।
आरोपित महिलालाई हिरासतमा लिइएको बताइएको छ । घाइते बच्चाहरूको अवस्थाका बारेमा केही बताइएको छैन ।
बच्चाहरू मैदानमा खेलिरहेको बेलामा ती महिला विद्यालय परिसरमा घुसेको बताइएको छ ।
प्रशासनले आक्रमणको उद्देश्यका बारेमा स्पष्ट केही भन्न नसकिने बताएको छ ।
एजेन्सी
