बुटवल–नेपाली कांग्रेसका नेता चन्द्र भण्डारीले प्रदेशका मुख्यमन्त्रीहरू कामै नगरी बसेको आरोप लगाएका छन् । देशको विकासका लागि मुलुक संघीयतामा गएपछि पहिलो पटक चयन भएका मुख्यमन्त्रीहरू टोपी ढल्काएर मात्र बसेको बताए ।

शुक्रबार बुटवलमा भएको एक कार्यक्रममा बोल्दै नेता भण्डारीले भने, ‘भारतका विभिन्न राज्यका मुख्यमन्त्रीहरू सहरमा बस्दैनन । गाउँ गाउँ जान्छन । जनताको समस्या बुझछन । तर यहाँका मुख्यमन्त्रीहरू बजारका टोपी ढल्काएर मात्र बसे ।’

कांग्रेस युवा नेता भण्डारीले थपे, ‘मुख्यमन्त्रीको यस्तो पाराले मुलुकको विकास हुँदैन । यो समय भनेको काम गर्ने हो ।  धुवा धुलो नहाउने ठाउँमा बस्ने होइन । गाउँका विभिन्न ठाउँहरुमा पुगेर काम गर्नुपर्छ ।’ कांग्रेसका केन्द्रीय सदस्य समेत रहेका भण्डारीले नेपालका हरेक पार्टीमा नंया ओपन ब्रेनको आबश्यकता रहेको बताएका छन् । ‘अव परिवार केन्द्रीत राजनीतक आवश्यक छैन,जसले नेपाल बन्न सक्दैन ,त्यसकारण अवको नेतृत्व नया युवा पिढीको हो’ भण्डारीले भने । 

नेपाली कांग्रेसका युवा नेता समेत रहेका उनले नेपाली कांग्रेसभित्र  गुट उपगुटको कारण समस्या आएको  उनको भनाइ छ । उनले भने, ‘नेतृत्व तह नै गतिलो नभएकाले पार्टी यो अबस्थामा पुगेको हो,आसेपासे र चम्चाहरुका कारण पार्टी कमजोर बनेको हो ।’ दशैंमा २ वटा २ कुरा सिकेको भन्दै उनले सिमान्तकृत बर्ग,पिछडिएको बर्गभित्र बाहुन क्षेत्री पनि निकै रहको बताए । अब समाजलाइ जातिय आधरले होइन बर्गिय आधारले अघि बढाउन आबश्यक भण्डारीको भनाइ छ । 

राष्ट्रपतिको टिका प्रकरणको बारेमा सोधिएको प्रश्नको जवाफ दिदैं उनले राजाको संस्कार र असभ्य परिपाटी दोहोरिएकोमा उनले दुख ब्यक्त गरे । अहिलेको सरकार सामाजिक,आर्थिक,राजनीतिक रुपमा कमजोर र असफल भएको बताए । सरकार पछिल्लो समयमा भष्ट्राचारमा डुबेको उनको दाबि छ । निर्मला हत्या काण्ड,वाईट वडी बिमान र सुन कान्ड लगायतका विषयमा सरकार निकै ढिलाइ भएको र एसपि र इन्सपेक्टरलाइ धेरै पहिला नै कारवाही नगरेकोमा उनले आक्रोश ब्यक्त गरे ।