काठमाडौँ– नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ भारतको दिल्लीमा आयोजित एक कार्यक्रममा सहभागि भई स्वदेश फिर्ता भएका छन् ।  शुक्रबार बिहान इन्डिया फाउण्डेशनले आयोजना गरेको कार्यक्रममा भाग लिन उनी दिल्ली प्रस्थान गरेकामा आजै राती स्वदेश फर्किएका हुन् ।  

कार्यक्रमा प्रचण्डले नेपाल–भारतबीचको सम्बन्धका बारेमा मन्तव्य दिएको नेपाल कम्युनिष्ट पार्टीका नेता कृष्णगोपाल श्रेष्ठले जानकारी दिए । 
प्रचण्डलाई   स्वागत गर्न पार्टीका नेता तथा कार्यकर्ता त्रिभुवन अन्तर्राष्ट्रिय विमानस्थल पुगेका थिए ।