काठमाडौं, १७ फागुन — अमेरिकाको एक निजी कम्पनीले दुईजना यात्रुले चन्द्रमाको भ्रमणका लागि पैसा दिएको बताएको छ । स्पेस एक्सका प्रमुख कार्यकारी अधिकृत एलन मस्कले यसबारेमा जानकारी दिएका हुन् ।
सन् २०१८ को अन्त्यमा चन्द्रमा भ्रमण हुने योजना बनाइएको छ । यात्रुहरूले यसका लागि कम्पनीलाई ठूलो रकम चुक्ता गरिसकेका छन् ।
मस्क भन्छन्, ‘४५ वर्षपछि फेरि कुनै मनुष्यले चन्द्रमामा पाइला राख्नेछ ।’
यी दुई यात्रुहरूको पहिचान खोलिएको छैन । तर उनीहरूले चढ्ने स्पेसक्राफ्टको पहिलो परीक्षण भने सन् २०१७ को अन्त्यमा गरिनेछ । यही स्पेसक्राफ्टलाई मानवरहित रूपमा अन्तरिक्षमा पठाइएको छ ।
मस्कले अमेरिकी अन्तरिक्ष नियोग नासाको सहयोगविना यो सम्भव नभएको बताए ।
यात्रुहरूका बारेमा सोध्दा मस्कले उनीहरू एकअर्कालाई चिन्छन् र हलिउडका मान्छे होइनन् भन्ने मात्र टिप्पणी गरे ।
एजेन्सीको सहयोगमा
