३१ जेठ २०८३, आइतबार
काठमाडौँ– छातीमा सङ्क्रमण भएपछि अस्पताल भर्ना भएका प्रधानमन्त्री केपी शर्मा ओलीको स्वास्थ्य सामान्य बन्दै गएको चिकित्सकहरुले बताएका छन् ।
ओली छातीको सङ्क्रमण, ज्वरो र खोकी नियन्त्रणमा नआएपछि गत सोमबार महाराजगञ्जस्थित त्रिवि, चिकित्सा शास्त्र अध्ययन संस्थान, मनमोहन कार्डियोथोरासिक भास्कुलर तथा ट्रान्सप्लाण्ट सेण्टरमा भर्ना भएका थिए ।
प्रधानमन्त्री ओलीको सम्भवत आजै डिस्चार्ज हुने सम्भावना रहेको अस्पताल स्राेतले जनाएकाे छ । आज चिकित्सकहरुको बैठक बसेर डिस्चार्जबारे निर्णय लिने तयारी गरिएकाे छ ।
ओलीको उपचारमा मुटुरोग विशेषज्ञ डा अरुण सायमीको संयोजकत्वमा डा दिव्यासिंह शाह तथा छातीरोग विशेषज्ञ डा सन्तकुमार दासको टोली संलग्न छ ।
