०३ असार २०८३, बुधबार
सुर्खेत- कर्णाली प्रदेश सभाको आज शुक्रबार बस्ने भनिएको दोश्रो अधिवेशनको ४१ औं बैठक सूचना टाँस गरेर स्थगित भएको छ ।
संसद सचिवालयले सूचना टाँस गर्दै अर्को वैठक कात्तिक १८ गते दिउसो ३ बजेका लागि बोलाएको हो ।
कर्णाली प्रदेश सभाका सभामुख राजबहादुर शाहीले १८ गते बस्ने संसद बैठकले दुइ विधेयक पारीत गर्ने छ भने सोही बैठकबाट दोश्रो अधिवेशनसमेत समाप्त हुने भएको छ ।
‘संसदको कात्तिक १८ गते बस्ने वैठकमा प्रदेशसभाका पदाधिकारी तथा सदस्यहरुको पारिश्रमिक तथा सेवा सुविधासम्वन्धि विधेयक २०७५ र कर्णाली प्रदेश सरकारका मुख्यमन्त्री तथा मन्त्रीहरुको पारिश्रमीक तथा सुविधासम्वन्धि विधेयक पारीत हुने सम्भावना छ’ उनले भने, ‘सोही दिन हामीले प्रदेश सभाको दोश्रो अधिवेशनसमेत समाप्त गर्ने योजना बनाएका छौं ।’
