वाशिंगटन,३० मंसिर– अमेरिकाको मल्टीनेशनल टेक्नोलोजी कम्पनी याहुको डेढ अर्बभन्दा बढी प्रयोगकर्ताको डाटा ह्याक भएको छ ।
कम्पनीले यसअघि नै सन २०१३ मा ह्याकर्सहरुले ७५ करोड याहु प्रयोगकर्ताहरुको एकाउन्ट ह्याक भएको जानकारी दिएका थिए । बुधवार याहु कम्पनीले यति ठूलो संख्यामा आफ्नो प्रयोगकर्ताहरुको एकाउन्ट ह्याक भएको जानकारी दिएका हुन् ।
यसमा प्रयोगकर्तामहरुको युजर नेम,टेलिफोन नम्बर र जन्मतिथि समेतको जानकारी चोरी भएको बताइएको छ । याहुले सन २०१३ मा ह्याक भएका प्रयोगकर्ताको क्रेडिट कार्ड र बैंक एकाउन्टमा कुनै खतरा नआउने जानकारी गराए ।
ह्याकरहरुले प्रयोगकर्ताको अनक्रिप्टेड सेक्युरिटी प्रश्न पनि चोरी गरेका छन् जसले कम्पनीको प्रयोग कर्ताको आधिकारिकता प्रमाणित गर्छ । ह्याकरबाट आउन सक्ने खतराबाट कम गर्न कम्पनीले प्रयोग कर्तालाई सचेत गराईरहेका छन् । र, प्रयोगकर्तालाई आफ्नो इमेलको पासवर्ड परिवर्तन गर्न आग्रह गरेका छन् ।
चोरी भएको समय सन २०१३ देखि अहिलेसम्म धेरैपटक प्रयोगकर्ताको सूचना चोरी गरेको हुन सक्ने अनुमान छ । याहुले आफ्ना प्रयोगकर्तालाई आफ्नो अनलाईन एकाउन्टलाई रिभ्यु गर्न पनि भनिएको छ । याहु प्रयोगकर्ताले इमेलको पासवर्ड मात्र होइन सेक्युरिटी प्रश्नलाई पनि बदल्न अनुरोध गरेको छ ।
याहुले आफ्नो प्रमुख व्यवसायलाई टेलिकम्युनिकेशन कम्पनी वेरिजोनलाई ४.८ बिलियन डलर बेच्ने सहमति भएको बेला यतिठूलो मात्रामा प्रयोगकर्ताको इमेल ह्याक भएको खबर बाहिर आएको हो । यस घटना पछि याहुको उक्त सहमति कायम हुन्छ कि हुँदैन भन्नेमा शंका उब्जेको छ । यस घटनापछि याहुको आफ्नो शेयरमा २.७ प्रतिशतले कमी आएको छ ।
एजेन्सी
