१० असार २०८३, बुधबार
काठमाडौं । बढ्दो व्यापार असन्तुलनका कारण मुलुकको शोधनान्तर घाटा ६ वर्षयताकै उच्च भएको छ । निकासीको तुलनामा पैठारी व्यापारको हिस्सा अत्याधिक वृद्धि हुन थालेपछि यस्तो अवस्था सिर्जना भएको हो ।
मुलुक भित्रिनेभन्दा बाहिरिने रकम बढी हुनु नै शोधनान्तर घाटा बढ्नु हो । यस्तो घाटा बढ्नाले मुलुकको सिंगो अर्थतन्त्र नै कमजोर भएको संकेत गर्छ ।
नेपाल राष्ट्र बैंकको तथ्यांकअनुसार चालू आर्थिक वर्षको पहिलो दुई महिनामा मुलुकको शोधनान्तर घाटा बढेर २५ अर्ब ४५ करोड रुपैयाँ पुगेको छ । यस्तो घाटा अघिल्लो वर्षको सोही अवधिमा ५ अर्ब ८७ करोड रुपैयाँ थियो । राजधानी दैनिकमा खबर छापिएकाे छ ।
