०२ असार २०८३, मंगलबार
काठमाडौं — एउटा विकास परियोजनामा भ्रष्टाचार भएको भन्दै हैटीमा गरिएको विरोध प्रदर्शन हिंस्रक भएपछि ६ जनाको मृत्यु भएको छ ।
घटनामा पाँचजना घाइते भएका छन् ।
यो परियोजनाअन्तर्गत जनतालाई तेलको मूल्यमा सब्सिडी दिइन्छ ।
राष्ट्रपति जोवेनल मोइसले विपक्षीहरूसँग वार्ताको अपील गरेका छन् । विपक्षीहरूले भ्रष्टाचारको अनुसन्धान गर्न राष्ट्रपति असफल भएकाले उनको राजीनामा मागेका छन् ।
पेट्रोकारिबे परियोजनामा ३.८ अर्ब डलर खर्च भएकोमा त्यसको अनुसन्धानको माग गर्दै आइतवार हजारौं मानिसले राजधानी पोर्ट आउ प्रिन्समा प्रदर्शन गरेका थिए । प्रदर्शनकारीहरूले सडक जाम गरेका थिए अनि टायरमा आगो लगाइदिएका थिए ।
प्रहरी र प्रदर्शनकारीबीच झडप भएको थियो । हाइटीको सिनेटले गरेको अनुसन्धानमा पूर्व राष्ट्रपति मिसेल मार्टिलको प्रशासनले कम्तीमा १४ जना पूर्वअधिकारी भ्रष्टाचारमा संलग्न रहेको आरोप लगाएको छ । तर कसैलाई पनि
औपचारिक अभियोग लगाइएको छैन ।
देशभरि ससाना प्रदर्शन र झडप भएका खबर छन् ।
एजेन्सी
