३० असार २०८३, मंगलबार
काठमाडौं – नेपाली युवा स्पिनर सन्दीप लामिछाने पाकिस्तान सुपर लिग (पीएसएल)का लागि छानिएका छन् ।
आगामी फेब्रुअरी र मार्च महिनामा युएई र पाकिस्तानका विभिन्न शहर आयोजना हुने प्रतियोगिताका लागि लाहोर कलन्दर्सले सन्दीपलाई छनोट गरेको हो ।
गोल्ड क्याटेगोरीमा रहेका सन्दीपलाई लाहोरले सो क्याटोगरीतर्फ पहिलो रोजाइका रूपमा अनुबन्धन गरेको हो ।
सन्दीपको टीममा एबी डी भिलियर्स, मोहम्मद हाफीज, कोरी एण्डर्सन, कार्लोस ब्रेथवेटजस्ता खेलाडी छन् ।
गोल्ड क्याटेगोरीका खेलाडीले कम्तिमा ५० हजारदेखि बढीमा ७० हजार डलरसम्म पाउने छन् । आजकै मितिको डलरको भाउलाई हेर्ने हो भने सन्दीपले कम्तिमा ५७ लाख नेपाली रुपैयाँ पाउने निश्चित छ ।
