२१ जेठ २०८३, बिहीबार
काठमाडौं — पाँच वर्षका एक बालकले संसारभरिका बच्चाहरूका लागि उदाहरण पेश गरेका छन् ।
यी बालकले दुई घन्टा २५ मिनेटमा ४१ सय ५ पुशअप गरे । राखीम कुरायव नामक यी बालकको मेहनत र हौसलाबाट खुशी भएर रुसी सेनाका लेफ्टिनेन्ट रमजान कद्दरोभले उनलाई ४० लाख रुपैयाँ पर्ने कार उपहार दिएका छन् ।
राखीम सानैदेखि व्यायामका शौखिन छन् ।
कार उपहार दिँदै रमजानले बच्चालाई भने, ‘तिमी यो कार आफ्नो बुवालाई चलाउन देऊ । तिमी कारमा आरामले बस्नू मात्र । तिमीले गरेको काम प्रशंसायोग्य छ । तिमी यो महंगो कारको हकदार छौ ।’
उपहार लिँदै राखीमले आफूलाई छोड्नका लागि पिताले ट्याक्सी लिइरहनु नपर्ने बताए ।
राखीमको ४१ सय ५ पुशअपको विश्व कीर्तिमान त बन्यो तर त्यसको भिडियो रेकर्डिङको गुणस्तर खराब भएकाले रजिस्टर हुन पाएन । उपहार पाएपछि राखीम र उनको परिवार एकदमै खुशी छन् ।
एजेन्सी
