काठमाडौं– मिस वर्ल्डकी प्रतिस्पर्धी मिस नेपाल वर्ल्ड श्रृंखला खतिवाडा मिस वर्ल्ड २०१८ को हेड टु हेड च्यालेन्जमा समूहबीजेता बन्दै फाइनल राउण्डमा प्रवेश गरेकी छिन् । 

हेड टु हेड च्यालेन्जको फाइनल राउण्डमा पुग्न सफल २० समूहमध्ये १३ औं समूहको विजेता बन्दै उनले यो यात्रा तय गरेकी हुन् । 

आफ्नो समूहमा रहेका बोस्निया हर्जगोविना, अर्जेन्टिना, गोआ, माल्दोभ र लक्जेम्बर्गका सुन्दरीहरुलाई पछि पार्दै श्रृंखला दोस्रो चरणमा पुगेकी हुन् । 

यो जितसँगै ११८ प्रतियोगीबाट मिस वर्ल्ड२०१८ को उपाधिका लागि सेमी फाइनलमा पुग्ने ३० जनामा पर्नका लागि नेपालको सम्भावना जिवितै रहेको छ ।

हेड टु हेड च्यालेञ्जका लागि ११८ प्रतियोगीलाई २० वटा समूह बनाई प्रतिस्पर्धा गराइएको थियो । जसमध्ये प्रत्येक समूहबाट एक प्रतिस्पर्धीले  समूह विजेता बन्दै अर्को चरणको यात्रा तय गर्ने प्रावधान अनुसार यी २० प्रतियोगीहरु छानिएका हुन् ।   

श्रृंखलाले एक भिडियो सार्वजनिक गर्दै आफूलाई समूह बिजेता बनाएकोमा सबैलाई धन्यवाद दिएकी छन् । उनले भिडियोमा भनेकी छिन् ‘म नेपाललाई गौरवान्वित बनाएरै छाड्ने छु ।’