काठमाडौं–प्रधानमन्त्री केपी शर्मा ओलीले भ्रष्टाचार डरलाग्दो समस्या भएको बताएका छन् । 

भ्रष्टाचारबिरुद्ध दिवसको अवसरमा अख्तियार दुरुपयोग अनुसन्धधान आयोगले आयोजना गरेको कार्यक्रममा प्रधानमन्त्री केपी शर्मा ओलीले भ्रष्टाचार गर्नु हुँदैन भन्नेहरुले नै भ्रष्टाचार गरेको बताए । भ्रष्टाचार गर्नुपर्छ भनि कसैले नभनेपनि भ्रष्टाचार भइरहेको उनको दुखेसो थियो । 

प्रधामन्त्री ओलीले भने,‘भ्रष्टाचार गर्छ भन्ने मान्छे भेटेको छैन तर भएको भइ छ ।’

मानिसले बुद्धिलाई कु ठाउँमा प्रयोग गर्दा भ्रष्टाचार नरोकिएको उनको भनाइ थियो ।  

सरकारले कर्मचारीहरुलाई ‘म भ्रष्टाचार गर्दिन’ भन्ने शपथ खुवाएको र त्यो नारा सफल भएको प्रधानमन्त्री ओलीले बताए ।

कार्यक्रममा अख्तियार दुरुपयोग अनुसन्धान आयोगका प्रमुख आयुत्त नवीनकुमार घिमिरे, मुख्य सचिव लोकदर्शन रेग्मीलागयत सहभागी थिए ।