२४ जेठ २०८३, आइतबार
लोकान्तर संवाददाता
काठमाडौं, १३ मंसिर –मुलुककै अग्रणी सिमेन्ट उत्पादक कम्पनी शिवम् सिमेन्ट लिमिटेडले सिमेन्ट लगायतका निर्माण सामग्रीको गुणस्तर र प्रयोग सम्बन्धि प्राविधिक ज्ञान उपलब्ध गराउने उद्देश्यले प्राविधिक सेवा विभाग गठन गरेको छ ।
सेवा सुरू गरेसँगै अब ग्राहक तथा आम उपभोक्ताले सिमेन्ट लगायतका निर्माण सामग्रीहरूको गुणस्तर र प्रयोग सम्बन्धि प्राविधिक ज्ञान नि :शूल्क रूपमा निर्माणस्थलमै गई अवलोकन गर्न सक्नेछन् । उपभोक्ताको प्रत्यक्ष सहभागीतामा कम्पनीले उत्पादनको परीक्षण गरी सोको रिपोर्ट सेवाका साथमा निर्माण कार्यमा समेत सहयोग पु-याउने छ ।
प्राविधिक टिममा नेपाल र भारतको सिमेन्ट उद्योगमा ३ दशकभन्दा बढी अनुभव भएका बरिष्ठ सिमेन्ट तथा कंक्रिट विज्ञ ईन्जिनियरहरु रहेका कम्पनीले जनाएको छ ।
निःशूल्क टोल फ्रि नम्बरमा फोन गरी सेवा लिन चाहनेहरूका लागि समेत प्राविधिक टिमले निर्माणस्थलभै पुगी सल्लाह, सुझाव र प्राविधिक जानकारी दिनेछ ।
प्राविधिक टिमलाई चुस्त सेवा प्रदान गर्न मद्दत मिल्ने गरी ‘कम्प्रिहेन्सिव स्ट्रेन्थ टेस्टिङ मेसिन’ जडित प्राविधिक भ्यानको नि :शूल्क सेवासमेत सुभारम्भ गरिएको छ । यो सेवा नेपालभर निःशूल्क उपलब्ध गराउने कम्पनीले जनाएको छ ।
नेपालमा यस्तो सेवा सुरू गर्ने आफू पहिलो कम्पनी भएको उद्योगको दावी छ ।
कम्पनीले शिवम ब्राण्डको ओपिसि सिमेन्ट उत्पादन तथा विक्री वितरण गर्दै आइरहेको छ ।
यस्तो छ कम्पनीले प्रदान गर्ने ग्राहकमैत्री सेवा :
–निर्माणस्थलमै कंक्रिटको ‘कम्प्रेसिभ स्ट्रेन्थ’ जाँच गरी शिवम् सिमेन्टको गुणस्तर प्रस्तुत गर्ने
–कंक्रिटलाई प्रयोगमा ल्याउन उपयुक्त बनाउन स्लम्पको परीक्षण गर्ने र कंक्रिटको मजबुतीमा प्रत्यक्ष असर पार्ने पानी र सिमेन्टको अनुपात निर्धारण गर्न सिकाउने
–निर्माणस्थलमै ग्राहकलाई स्ल्याबको कास्टिङ्ग, कोलम, प्लास्टरिङ्ग, मेशन रिवर्क तथा अन्य निमार्ण कार्यमा सहयोग प्रदान गर्ने
–आवश्यक अन्य प्राविधिक सहयोग प्रदान गर्ने
