२४ जेठ २०८३, आइतबार
काठमाडौं — अमेरिकाका पूर्व राष्ट्रपति बाराक ओबामा साना बिरामीहरूका लागि बोरामा उपहार बोकेर वाशिङटन डीसीस्थित चिल्ड्रेन्स नेसनल मेडिकल सेन्टर पुगेका छन् ।
अस्पताल प्रवेश गर्दा ओबामालाई रकस्टारलाई जस्तो स्वागत गरिएको थियो । गीत गाइरहेका रोगीहरूको भीडनजिक पुग्दा उनी नाचेका थिए ।
ओबामाको अस्पताल गमनको भिडियो अस्पतालको ट्विटर अकाउन्टमा शेयर गरिएको थियो ।
सान्टाको रातो टोपी लगाएका ओबामाले अस्पतालको भ्रमण गरे अनि बिरामी र तिनका परिवारलाई भेटे ।
उनले एक ट्वीट लेखेर अस्पतालमा रहेका बालबालिका, तिनका परिवार र अस्पताल कर्मचारीलाई क्रिसमसको शुभकामना दिए ।
अमेरिकाकी प्रथम महिला मेलानिया ट्रम्प अघिल्लो हप्ता अस्पताल पुगेकी थिइन् र भ्रमणका क्रममा एक क्रिसमस कथा पढेर सुनाएकी थिइन् ।
त्यसपछि उनले प्रत्येक बालबालिकालाई कथाको किताब दिएकी थिइन् ।
Barack Obama Brings A bag Full of Christmas presents to Sick Kids in A surprise visit to the Children’s National Medical Center in Washington DC
BARACK OBAMA IS AWESOMEpic.twitter.com/RRa0R9P9nx— PoliticsVideoChannel (@politvidchannel) December 20, 2018
