०२ असार २०८३, मंगलबार
काठमाडौं–नेपाल आइडल सिजन २ को फिनालेबाट कञ्चनपुरका रवि ओड विजेता बनेपछि उनको गृहनगरसहित पूरै सुदूरपश्चिममा खुसियाली छाएको छ ।
शुक्रबार राती अन्य ३ प्रतियोगीलाई पछि पार्दै उनी नेपाल आइडल घोषित भएका थिए ।
सोसँगै खुसियाली मनाउँदै घरबाहिर निस्किएका स्थानीयले कैलालीको धनगढीलगायतका जिल्लाहरुमा दीपावली नै गरेका छन् ।
उनीहरुले शनिबार विजयी र्याली नै निकाल्ने तयारी गरेको बताइएको छ ।
नेपाल आइडल–२ को उपाधि जितेसँगै उनले रु २२ लाख, कार र गोल्डेन ट्रफी हात पारेका छन् ।
एक सामान्य परिवारमा जन्मिएका रवि नेपाल आइडलबाटै चर्चित बन्न सफल भएका छन् ।
