काठमाडौं, २३ फागुन — चीनका राष्ट्रपति सी चिनफिङको महत्त्वकांक्षी रेशम मार्ग परियोजना अर्थात् एक पेटी एक सडक (ओबीओआर) अन्तर्गत पर्ने करीब १०० देशमा चीनले ५० अर्ब डलरभन्दा बढी लगानी गर्ने भएको छ ।


चीनका शीर्ष आर्थिक योजनाकार हे लिफेङले सोमवार आयोजित पत्रकार सम्मेलनमा यसको जानकारी दिएका हुन् ।

नेपाल पनि ओबीओआरमा पर्ने हुनाले देशलाई यसबाट निकै फाइदा पुग्ने विज्ञहरू बताउँछन् । हालै नेपालका लागि चीनका राजदूत यु होङले नेपाललाई छिट्टै ओबीओर परियोजनामा हस्ताक्षर गर्न आग्रह गर्दै यो परियोजनाले नेपाली जनता, नेपालको अर्थतन्त्र र संस्कृतिको विकासमा महत्त्वपूर्ण योगदान दिने बताएका थिए ।