काठमाडौँ, २५ फागुन– गएराती एकाएक लोडसेडिङ हुँदा राजधानीसहित देशका अधिकांश भूभाग अन्धकारमय बनेको छ । मंगलबार राती साढे ९ बजेदेखि १० बजेसम्म लोडसेडिङ हुन पुगेको हो ।
केही साताअघि मात्रै सञ्चालमा आएको खिम्ती–ढल्केबर प्रसारण लाइनमा समस्या आउँदा एकाएक लोडसेडिङ हुन पुगेको नेपाल विद्युत प्राधिकरणले जनाएको छ ।
नेपाल विद्युत्त् प्राधिकरणका प्रवक्ता प्रवल अधिकारीले खिम्ती–ढल्केबर प्रसारण लाइनमा समस्या आउँदा  विद्युत आपूर्ति करिब आधा घन्टा अवरुद्ध भएको बताए । आधा घण्टाको प्रयासमा समस्या समाधान भएसँगै १० बजे रातीदेखि विजुली पुन नियमित भएको थियो ।