२३ जेठ २०८३, शनिबार
काठमाडौं — पूर्वी अफगानिस्तानमा सोमवार बिहान एक सैन्य अड्डा र प्रहरी प्रशिक्षण केन्द्रमा तालिबानले आक्रमण गर्दा कम्तीमा १२ जनाको मृत्यु भएको छ ।
घटनामा ३० भन्दा बढी मानिस घाइते भएका छन् ।
प्रान्तीय अधिकारीहरूले यो आक्रमणको जानकारी दिएका छन् । क्षेत्रको जनस्वास्थ्य विभागका प्रमुख सलेम असगरखेलले मेदान वर्दक प्रान्तमा भएको आक्रमणमा मारिएका मानिस सैन्यकर्मी भएको बताए ।
केही घाइतेलाई उपचारका लागि प्रान्तीय अस्पताल लगिएको छ भने गम्भीर घाइते भएका केही व्यक्तिलाई काबुल लगिएको छ ।
गृह मन्त्रालयका उपप्रवक्ता नसरत राहिमीले एक आत्मघाती कार बम आक्रमणकारीले पहिला सैन्य अड्डामा आक्रमण गरेको र त्यसपछि आतंकवादीहरूले अफगान बलहरूमाथि गोली चलाएका थिए ।
अफगानी सैनिकहरूले दुई तालिबानी आतंकवादीहरूलाई मारे ।
तालिबान प्रवक्ता जबीबुल्लाह मुजाहिदले मिडियामा बयान जारी गरेर यो आक्रमणको जिम्मेवारी लिएका छन् ।
एजेन्सी
