०५ असार २०८३, शुक्रबार
लहान –उखुबारीमा सिंचाइ गर्न जडान गरिएको विद्युतीय तारमा करेन्ट लागेर सिरहाको लहान नगरपालिका– २३ मा एक युवकको मृत्यु भएको छ ।
गाढा तिलेवनास्थित उखुबारीमा करेन्ट लागेर सिरहाको सखुवानान्करकट्टी गाउँपालिका ४ सिम्राही निवासी १८ वर्षीय मोहमद मजलुमको मृत्यु भएको हो । स्थानीयवासी १७ वर्षीय मोहमद रहमद र १९ वर्षीय मोहमद जवाहरले उक्त उखुबारीमा सिंचाई गर्न गए राति जडान ग।रेको पानी तान्ने मोटरमा करेन्ट प्रवाह भएका अवस्थामा उखुबारी पुगेका मजलुमलाई करेन्ट लागेको प्रहरीले जनाएको छ ।
करेन्ट लागेर गम्भीर घाइते मजलुमलाई उपचारका लागि अस्पताल लैजाने क्रममा बाटामै मृत्यु भएको इलाका प्रहरी कार्यालय लहानका प्रहरी नायब उपरीक्षक राजेश थापाले जानकारी दिनुभयो ।
