२३ असार २०८३, मंगलबार
काठमाडौं– प्रमुख प्रतिपक्षी नेपाली कांग्रेस निकट नेपाल विद्यार्थी संघ (नेविसंघ)ले सरकारविरुद्ध आइतबार विरोध प्रदर्शन गरेको छ ।
चिकित्सा शिक्षा विधेयक संसदबाट पास गरेको विरोधमा नेविसंघका कार्यकर्ताहरुले बिहान राजधानीको पशुपति क्याम्पस अगाडि प्रधानमन्त्री केपी शर्मा ओलीको पुत्ला दहन गरेका छन् ।
माउ पार्टीले आन्दोलनको चेतावनी दिइरहेका बेला नेविसंघले विरोधको कार्यक्रम गरेको हो । नेविसंघका नेता तथा कार्यकर्ताहरुले गरेको प्रदर्शनका कारण केहीबेर पशुपति क्याम्पसअगाडिको सवारी आवागमनसमेत प्रभावित बनेको थियो ।
नेविसंघले बलात्कारपछि हत्या गरिएकी कञ्चनपुरकी बालिका निर्मला पन्तको हत्यारा पत्ता लगाउन र वाइडबडी खरिद प्रकरणमा भएको अनियमितताको छानबिन गर्न पनि माग गरेको छ ।
तस्वीर : यूपी लामिछानेकाे फेसबुकबाट
