काठमाडौंँ– काठमाडौँको एक चकलेट उद्योगमा आज आगलागी हुँदा रु ७० लाखको क्षति भएको छ । 

काठमाडौँ महानगरपालिका–१५ स्थित चागलमा रमेश अग्रवालले सञ्चालन गरेको लखन फुट चकलेट उद्योगमा आगलागी हुँदा उद्योगका कच्चापदार्थ र तयारी सामग्री जलेर नष्ट भएको हो ।
 चकलेट पकाउने क्रममा डिजेल पोखिएर आगलागी भएको प्रहरी प्रधान कार्यालयले जनाएको छ । स्थानीयवासी र दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको जनाइएको छ । 

यस्तै काठमाडौँको दक्षिणकाली नगरपालिका–६ बस्ने किरणकुमार रञ्जितको घर अगाडि पार्किङ गरेर राखिएको बा९८प ६५७८ नंको स्कुटरमा आज आगलागी भएको छ । आगलागीबाट स्कुटर पूर्ण क्षति भएको र घटना शंकास्पद रहेकाले अनुसन्धान भइरहेको प्रहरीले जनाएको छ ।