३१ जेठ २०८३, आइतबार
काठमाडौं –प्रमुख प्रतिपक्षी दल नेपाली कांग्रेसले भेनेजुएला प्रकरणमा सत्तारुढ नेकपाले जारी गरेको विज्ञप्तिप्रति आपत्ति जनाएको छ ।
आइतवार बसेको कांग्रेस संसदीय दलको बैठकले नेकपाको विज्ञप्तिले अमेरिकासँगको सम्बन्ध अप्ठ्यारो पारेको निष्कर्ष निकालेको हो ।
नेकपाका अध्यक्ष पुष्पकमल दाहाल प्रचण्डले जारी गरेको विज्ञप्ति तथा तत्कालै सरकारले जारी गरेको विज्ञप्तिप्रति गम्भीर असहमति प्रकट गरेको सचेतक पुष्पा भुसालले लोकान्तरलाई जानकारी दिइन् ।
‘नेपालको स्वार्थ नजोडिएको विषयमा प्रचण्ड र सरकारको विज्ञप्ति अनुचित थियो भन्ने हामीहरूको निष्कर्ष छ,’ उनले भनिन् ।
कांग्रेसले सरकारको रवैया हेरेर संसद्को बैठक चल्न दिने या नदिने बताएको छ । यसअघि डा. गोविन्द केसीको जीवन रक्षाको माग गर्दै कांग्रेसले संसद् बैठक अवरुद्ध गरेको थियो ।
प्रतिनिधि सभाको बैठक आइतवार दिउँसो ३ बजे बस्दैछ ।
