काठमाडौं– नेपाली क्रिकेट टीमका कप्तान पारस खड्काले वितेको दुई हप्ता नेपाली क्रिकेटका लागि अद्भुत समय भएको टिप्पणी गरेका छन् । 

संयुक्त अरब ईमिरेट्स (यूएई) विरुद्धको एक दिवसीय र ट्वान्टी–२० अन्तर्राष्ट्रिय क्रिकेट श्रृङ्खला जितेर ईतिहास बनाएसँगै खड्काले सबै खेलाडीको मेहनत र लगनशीलताले जित सम्भव भएको बताए । 

सामाजिक सञ्जालमार्फत खड्काले आगामी दिनमा पनि यस्तै सुःखद नतिजा  ल्याउन प्रयास रहिरहने पनि बताएका छन् । उनले नेपाली क्रिकेटप्रेमीको माया र समर्थनका लागि धन्यवाद पनि ज्ञापन गरेका छन् । 

आइतबार साँझ सम्पन्न युएई विरुद्धको टी–२० क्रिकेट सिरिज नेपालले  २–१ ले जित्दै नेपालले इतिहास कायम गरेको छ । युएईविरुद्धको  अन्तिम खेलमा नेपालले १४ रनको जित निकाल्दै सिरिज आफ्नो पक्षमा पारेको हो ।

यसअघि नेपालले युएईविरुद्धको एकदिवसीय सिरिज २–१ ले जित्दै इतिहास बनाएको थियो ।