३० जेठ २०८३, शनिबार
काठमाडौं — उत्तर कोरियाका नेता किम जोङ–उन र फिलिपिन्सका राष्ट्रपति रोड्रिगो डुटेर्टे हङकङमा सँगै देखिँदा मानिस छक्क परे ।
खासमा ती दुई नेताको जस्तै अनुहार भएका कलाकारले भेटघाट गरेका हुन् । दुवैले सँगै खाना पनि खाए । उनीहरूसँग फोटो खिचाउन रेस्टुराँमा भीड आयो ।
किम जस्तो अनुहार भएका हावर्ड एक्स हङकङमा बस्छन् । अनि क्रिसेन्सियो एक्सट्रीम चाहिँ डुटेर्टे जस्तो देखिन्छन् ।
आइतवार दुवैजना हङकङको सेन्ट जोसेफ चर्चमा भेटे । हावर्डले किमको जस्तो अनि एक्सट्रीमले डुटेर्टेको जस्तो कपडा लगाएका थिए ।
उनीहरूले खुबै रमाइलो गरे । हावामा नक्कली बन्दूक पनि चलाए ।
हावर्ड राजनीतिक व्यंग्य लेख्छन् । उनका अनुसार, किमको जस्तो केश विन्यास बनाउनका लागि उनलाई निकै समय लागेको थियो ।
एजेन्सी
