०४ असार २०८३, बिहीबार
काठमाडौं — भारतको मध्य प्रदेशस्थित मुरैना जिल्लामा एक व्यक्ति पत्नीको हत्या गरेपछि काटिएको टाउको बोकेर प्रहरी चौकी पुगेका छन् ।
चम्बलमा पर्ने मुरैना राजधानी भोपालभन्दा ४५० किलोमिटर पर छ ।
मुरैनाका प्रहरी अधीक्षक रियाज इकबालले भने, ‘यो घटना बुधवार भएको हो । कल्याण शाक्यवर नामक व्यक्ति आफ्नी पत्नीको काटिएको टाउको लिएर थाना पुगे । आफूले पत्नीको हत्या गरेको उनले बताए । उनलाई तत्कालै पक्राउ गरियो । प्रहरीले घटनाको अनुसन्धान गरिरहेको छ ।’
पतिले पत्नीको सम्बन्ध अन्य व्यक्तिसँग रहेको शंकामा हत्या गरेको बताए ।
केदारपुरा गाउँमा कल्याण आफ्नी पत्नी पंकजसँग बस्थे । दुईजनाबीच दिनदिनै लडाईं हुन्थ्यो । बुधवार पनि झगडा भयो । विवाद निकै चर्केपछि कल्याणले पंकजलाई बञ्चरोले गिँडे ।
उनीहरूको बिहे लगभग १० वर्षअघि भएको थियो । उनीहरूका तीन बच्चा छन् ।
पंकजको हत्यापछि कल्याण टाउको लिएर महुआ थाना पुगे । हातमा महिलाको शिर देखेर सबैजना डराए । अनि उनलाई पक्राउ गरियो ।
यो घटना हुँदा घरमा जेठा छोरा अमन थिए । उनको उमेर सात वर्ष बताइएको छ ।
प्रहरीले शवलाई पोस्टमार्टमका लागि पठाएको थियो । हत्या गर्नका लागि प्रयोग गरिएको बञ्चरो पनि बरामद भएको छ ।
बीबीसी हिन्दीबाट
